Mayroon na tayong mga bagong panukala upang mapaunlad ang 29 Sunset bilang bahagi ng 29 Sunset Improvement Project – Ikalawang Yugto.
Ang mga panukalang ito ay idinisenyo upang makamit ang ilang mga layunin:
- Mas maaasahang serbisyo ng bus, na may mas kaunting pagkaantala sa serbisyo at mga pass up,
- Mas maikling oras ng biyahe,
- Mas maayos at kapansin-pansing mga hintuan ng bus, at
- Pinahusay na kaligtasan sa trapiko para sa lahat na naglalakbay sa koridor
Pagkatapos suriin ang mga panukala, ibahagi ang iyong feedback sa pamamagitan ng pagsagot sa survey bago o sa Setyembre15 o alamin pa ang mga detalye sa nalalapit na kaganapan.
Mga Pangunahing Panukala
Pinaunlad na mga Hintuan ng Bus para sa mga Pasahero
Mga Silungan ng Bus
Maglalagay ng mga silungan sa ilang hintuan ng bus. Ang mga silungan ay maaaring magbigay ng upuan, real-time na display ng pagdating ng bus, mga mapa ng Muni, at proteksyon laban sa panahon. Ilan sa mga posibleng lokasyon na lalagyan ng mga silungan, depende sa karagdagang pagsusuri, ay kinabibilangan ng.
- Ang hintuang westbound (papaloob) sa Ocean Ave/I-280 On Ramp. Maaaring gamitin ng mga pasahero ng 29 Sunset at 49 Van Ness/Mission ang silungan sa abalang hintuang ito na matatagpuan sa tabi ng Balboa Park BART station.
- Ang hintuang westbound (papaloob) sa Persia Ave at Mission St. Ang silungang ito ay ilalagay sa panukalang bagong lokasyon ng hintuan ng bus sa kabila ng interseksyon.
- Ang hintuang eastbound (papalabas) sa Mansell St at Visitacion Ave. Ang silungang ito ay magbibigay ng proteksyon laban sa malakas na hangin sa tuktok ng burol malapit sa McLaren Park. Ayon sa aming natanggap na impormasyon, madalas gamitin ng mga estudyante ang hintuang ito para lumipat ng sakay sa pagitan ng rutang ito at ng 56 Rutland.
Pagsubok sa Pag-iilaw ng Hintuan ng Bus
Bilang bahagi ng aming Muni Stop Lighting Project, magsasagawa kami ng pilot o pagsubok ng bagong solar lighting sa tatlo hanggang apat na hintuan ng bus. Napag-alaman na ang pagpapabuti ng ilaw sa mga hintuan ng Muni ay nagpapataas ng kaligtasan at nagbibigay ng mas mataas na pakiramdam ng seguridad. Sa halip na magmungkahi kami ng mga lokasyon para sa bagong ilaw, hinihiling namin ang mga suhestiyon mula sa komunidad kung saan pinaka-kailangan ang ilaw sa pamamagitan ng survey. May mga limitasyon sa mga lugar kung saan maaaring ilagay ang solar lights, tulad ng pangangailangan na magkaroon ng sapat na sikat ng araw upang makapag-charge ang ilaw.
Paglalagay ng palatandaan sa hintuan ng bus
Maglalagay ng mga metal na palatandaan sa lahat ng hintuan ng bus ng 29 Sunset sa sakop ng proyekto. Sa kasalukuyan, ang ilan sa mga hintuan ay minamarkahan lamang ng guhit na dilaw sa mga kalapit na poste ng utility o sa kalye. Makakatulong ang mga palatandaang ito upang mas madali nilang makita ng mga bagong pasahero o mga bihirang sumasakay ang mga hintuan ng bus.
Nakatalagang Espasyo sa Kalye para sa mga Hintuan ng Bus
Mga Transit Bulb
Maglalagay ng transit bulbs sa hanggang walong interseksyon, at pahahabain pa sa isa. Ang mga bulb ay nagpapalawig ng mga bangketa sa mga hintuan ng bus papasok sa lane ng curbside parking. Dahil dito, hindi na kailangang bumalik ng bus sa daloy ng trapiko, na nagpapabuti sa pagiging maaasahan at oras ng biyahe. Pinapayagan din nitong lumapit nang mas malapit ang bus sa bangketa, kaya mas madali ang pagsakay at pagbaba ng mga pasahero. Bukod dito, pinapataas nila ang kaligtasan ng mga naglalakad sa pamamagitan ng pagpapatingkad sa kanila, pagpapaliit ng distansya sa pagtawid, at pagpapabagal sa mga sasakyang lumiliko. Ang bawat transit bulb ay aalis ng humigit-kumulang isa hanggang tatlong pwesto sa paradahan.
Mga Transit boarding island
Maglalagay ng mga transit boarding island sa dalawang hintuan ng bus sa Mansell Street. Katulad ng transit bulbs, pinapayagan nito ang mga bus na hindi na kailangang bumalik sa daloy ng trapiko, na nagpapabuti sa pagiging maaasahan at oras ng biyahe. Ang mga boarding island ay ipinapanukala bilang kapalit ng transit bulbs sa Mansell Street dahil sa umiiral na bike lane, na ilalagay sa pagitan ng island at ng bangketa, at hindi na dadaanan ng mga bus na humihinto. Ang bawat transit boarding island ay aalis ng humigit-kumulang tatlo hanggang apat na pwesto sa paradahan.
Mga Bagong Bus Zone o Pinalawig na Bus Zone
Sa limang interseksyon, maglalagay o magpapalawig kami ng mga bus zone. Ang mga bus zone ay nakatalagang espasyo sa gilid ng kalsada kung saan maaaring huminto ang mga bus para pasukin o bumaba ang mga pasahero. Pinapabuti ng mga zone na ito ang accessibility dahil maaaring direktang tumapak o mag-roll ang mga pasahero mula bus papunta sa bangketa, sa halip na mag-load o unload sa kalye. Ang bawat bagong o pinalawig na bus zone ay mag-aalis ng zero hanggang apat na pwesto sa paradahan.
Isa sa mga pinalawig na bus zone ay matatagpuan sa Ocean Ave & Cayuga Ave, kung saan nakikipagtulungan kami sa Cayuga Slow Street 2.0 team upang posibleng isara ang maikling bahagi ng Santa Ynez Ave sa pagitan ng Cayuga at Ocean, at lumikha ng isang mini-plaza. Ang Slow Streets Team ay nakikipag-ugnayan sa mga kapitbahay at sa San Francisco Public Utilities Commission upang bumuo ng mga opsyon.
Pinahusay na Kaligtasan sa Trapiko
Mga Bagong tawiran ng pedestrian at pampabagal ng trapiko
Sa apat na interseksyon, magpipinta kami ng mga bagong tawiran ng pedestrian na may mataas na visibility. Nakakatulong ang mga markang ito upang mapabuti ang kaligtasan sa pamamagitan ng pagpapatingkad sa mga naglalakad. Sa tatlong interseksyon naman, maglalagay kami ng mga median divider. Ang mga maliit at nakaangat na island na ito ay nagpapataas ng kaligtasan sa pamamagitan ng pagpapaliit ng distansya sa pagtawid at paghikayat sa mga drayber na magbagal.
Pag-alis ng lane sa San Bruno Avenue
Sa San Bruno Avenue mula Mansell Street hanggang Paul Avenue, aalisin namin ang isang northbound lane ng trapiko. Ang pag-alis ng isang lane ay magbibigay-daan upang palawakin ang mga natitirang lane, na magpapadali para sa mga bus na dumaan. Bukod dito, maaaring maglagay ng mga bike lane. Sa hilaga at timog ng bahaging ito ng San Bruno Avenue, iisa lamang ang lane ng northbound traffic, ngunit sa bahaging ito ay may dalawang lane. Hindi rin maaapektuhan ang paradahan o ang southbound traffic sa San Bruno Avenue.
Mas epektibong prayoridad sa transportasyon
Prayoridad sa Signal ng Transportasyon
Ang transit signal priority ay nagpapabawas sa oras na ginugugol ng mga bus sa pulang ilaw sa pamamagitan ng pagpapahaba ng berdeng ilaw kapag may paparating na bus. Sa proyektong ito, maglalagay ng transit signal priority para sa 29 Sunset sa mga traffic signal sa Bayshore Boulevard, Ocean Avenue, at Holloway Avenue.
Paglilipat ng hintuan ng bus
Pagtanggal ng hintuan ng bus
Sa labintatlong interseksyon, aalisin namin ang ilang hintuan ng bus. Marami sa mga hintuan ng bus sa 29 Sunset ang mas malapit sa isa’t isa kaysa sa inirerekomendang minimum na distansya na 800 talampakan ayon sa mga alituntunin ng SFMTA para sa pagitan ng hintuan ng bus. Ang distansya sa pagitan ng halos lahat ng natitirang hintuan ay mas mababa sa inirerekomendang pinakamataas na 1,360 talampakan para sa mga lugar na medyo patag. Mas maikli ang inirerekomendang distansya sa mga matatarik na lugar. Hindi maaapektuhan ang karamihan ng mga pasahero dahil karamihan sa mga matatanggal na hintuan ay hindi ang pinakamalapit sa mga pangunahing destinasyon tulad ng mga paaralan, sentro para sa matatanda, grocery, o mga palipatan sa ibang linya. Lahat ng pasahero ay makikinabang sa mga pagpapabuti na magbabawas sa pagkaantala ng transit, magpapabuti ng oras ng biyahe at pagiging maaasahan, at magpapabawas ng sobrang dami ng tao. Ang pagtanggal ng mga hintuan ay hindi magreresulta sa pag-aalis ng mga pwesto sa paradahan.
Isa pang hintuan na iminungkahi para tanggalin ay nasa Mansell Street sa Goettingen Street, na nasa matarik na bahagi ng kalsada, ngunit ang pinakamalapit na mga hintuan ay nasa humigit-kumulang 260 hanggang 300 talampakan lamang ang layo.
Paglilipat ng mga hintuan ng bus
Sa ilang mga lokasyon, iaayos namin ang pagitan ng mga hintuan ng bus upang mabawasan ang pagkaantala o upang makapagbigay ng mas komportableng lugar para sa paghihintay.
Pulang curbs
Sa dalawang lokasyon sa Bayview, maglalagay o magpapalawig ng mga no-parking zone na may pulang curb upang payagan ang mga bus na mas madaling makalapit sa bangketa o makaliko.
Ibahagi ang iyong mga feedback
Alamin pa sa pamamagitan ng panonood ng naka-record na presentasyon at ibahagi ang iyong feedback sa aming survey bago o sa Setyembre 15.
Ibahagi ang iyong mga tanong sa nalalapit na kaganapan o sa Better29@SFMTA.com o 415.646.2410.