Ang mga panukala sa Proyekto ng Pagpapabuti ng 29 Sunset – Ikalawang Yugto ay isasaalang-alang para sa pag-apruba ng Lupon ng mga Direktor ng SFMTA sa kanilang Pagpupulong sa Mayo 19, 2026, Martes.
Tingnan ang kasalukuyang na-update na mga panukala ng proyekto.
Paano Maibabahagi ang inyong Feedback sa Pagpupulong ng Lupon ng SFMTA
Ang pagpupulong ng Lupon ng SFMTA sa Mayo 19, Martes ay magsisimula ng 1 p.m. Ibabahagi ang agenda sa event page sa Mayo 15, Biyernes. Mapapanood online ng mga miyembro ng komunidad ang pagpupulong sa pamamagitan ng SFGovTV. Ang pampublikong komento ay maririnig nang personal sa City Hall Room 400 (1 Dr. Carlton B. Goodlett Place, San Francisco, CA), at ang mga nakasulat na komento ay maaaring ipadala sa MTABoard@SFMTA.com bago ng pagpupulong.
Ang mga miyembro ng komunidad ay maaaring magbahagi ng mga tanong tungkol sa proyekto sa Better29@SFMTA.com o sa 415.646.2410.
Nakatuon ang mga Panukala na Gawing Mas Maaasahan, Mas Mabilis, Mas Ligtas, at Mas Komportable ang mga Biyahe sa 29 Sunset
Ang aming mga panukala sa proyekto ay batay sa feedback na aming natanggap mula sa daan-daang miyembro ng komunidad. Ang mga ito ay dinisenyo upang makamit ang:
• Mas maaasahan na serbisyo ng bus, na may mas kaunting puwang sa serbisyo at kaunting paglampas at mas kaunting siksikan,
• Mas maikling oras ng biyahe,
• Mas maayos at mas nakikitang mga hintuan ng bus, at
• Pinagbuti na kaligtasan sa trapiko para sa lahat na naglalakbay sa koridor.
Kabilang sa mga pangunahing panukala ang:
Mga pag-aalis ng hintuan ng bus: Para gawing mas maaasahan ang ruta, nakipagtulungan kami sa mga miyembro ng komunidad upang tukuyin ang ilang hintuan ng bus para alisin. Ang mga hintuan ng bus na ito ay karaniwang malapit sa isa pang hintuan at mas kakaunti ang sumasakay dahil hindi malapit ang mga ito sa mga pangunahing destinasyon o koneksyon sa transit. Sa kasalukuyan, maraming hintuan sa 29 Sunset ang mas malapit sa 800-foot na pinakamababang distansya na inirekomenda ng mga panuntunan ng SFMTA tungkol sa distansya sa pagitan ng mga hintuan. Ginagawa nitong hindi gaanong maaasahan ang ruta. Kapag nagsimulang maantala ang isang bus, ang masyadong malalapit na hintuan ng bus ay nagiging sanhi upang lalo pa itong maantala nang malaki.
Mga paglilipat ng hintuan ng bus: Sa ilang lokasyon, aayusin namin ang agwat sa pagitan ng mga hintuan ng bus upang mabawasan ang mga pagkaantala o mabigyan ng mas komportableng kapaligiran ang paghihintay.
Mga kaginhawahan sa hintuan ng bus: Magdaragdag ng mga hintayan sa hintuan ng bus sa ilang hintuan ng bus. Ang mga hintayan ay maaaring magbigay ng upuan, mga display ng real-time na pagdating, mga mapa ng Muni at maging silungan mula sa iba’t ibang uri ng panahon. Bilang bahagi ng aming Muni Stop Lighting Project, magsasagawa kami ng pilot ng bagong solar lighting sa tatlo o apat na hintuan ng bus. Magdaragdag din ng mga metal sign sa lahat ng hintuan ng bus sa 29 Sunset sa lugar ng proyekto.
Mga Transit Bulb at Transit Boarding Island: Hanggang sa 17 transit bulb o boarding island ang idadagdag o pahahabain. Ang mga ito ay nagbibigay-daan sa mga bus na makaiwas na kailanganin pang bumalik o pumasok na muli sa daloy ng trapiko, kung saan napapabuti ang pagiging maaasahan at nagpapaikli ng oras ng biyahe. Nagbibigay-daan din ito sa mga bus na makalapit nang husto sa bangketa, na ginagawang mas madali at maginhawa ang pagsakay at pagbaba. Bukod dito, napapabuti ng mga ito ang kaligtasan ng mga tao na naglalakad sa pamamagitan ng pagpapataas ng kanilang pagiging kitang-kita, pagpapaliit ng distansya ng tawiran at pagpapabagal ng mga lumilikong sasakyan.
Mga pag-aalis ng daanan ng trapiko: Sa dalawang lokasyon, aalisin namin ang isang daanan ng trapiko sa isang direksyon para sa ilang bloke. Ang mga pagbabagong ito ay magpapabuti sa kaligtasan ng trapiko at pagiging maaasahan ng pagbiyahe.
Ang Feedback sa Pampublikong Pagdinig Ay Humantong sa Bagong Panukala
Bilang bahagi ng Pampublikong Pagdinig noong Marso 20, nakatanggap kami ng feedback mula sa 27 miyembro ng komunidad sa pamamagitan ng email, telepono o pagdalo sa pagdinig. Bilang tugon, gumagawa kami ng isang pagbabago sa panukala. Hindi na namin iminumungkahi na magdagdag ng mga daanan ng bisikleta sa San Bruno Avenue sa pagitan ng Paul Avenue at Mansell Street. Iminumungkahi pa rin naming tanggalin ang isang pahilagang daanan ng trapiko sa dalawang blokeng ito. Ang pagtanggal ng isang daanan ay magbibigay-daan sa amin na palawakin ang lapad ng mga natitirang daanan. Ang mas malalawak na daanan ay magpapabuti sa kaligtasan sa pamamagitan ng pagtulong na maiwasan ang pagkikiskisan ng mga gilid ng sasakyan na kasalukuyang nangyayari sa koridor.
Batay sa feedback ng komunidad, isinasaalang-alang din namin ang pagdagdag ng isang espasyo para sa pangkalahatang paradahan sa halip na isang lugar na sakayan para sa pangkomersyong sasakyan (na may dilaw na marka) sa Mission Street at Persia Avenue. Bilang bahagi ng paglilipat ng parehong hintuan ng bus sa 29 Sunset papunta sa kanluran ng Mission Street, dati naming iminungkahi na magdagdag ng dalawang lugar ng sakayan para sa pangkomersyong sasakyan (na may dilaw na marka) sa Persia Avenue na nasa silangan lamang ng Mission Street. Batay sa interes ng komunidad para sa higit na espasyo ng pangkalahatang paradahan, iminumungkahi na namin ngayon na magdagdag ng isang lugar na sakayan para sa pangkomersyong sasakyan (na may dilaw na marka) at isang espasyo para sa pangkalahatang paradahan.