Pagkatapos makatanggap ng feedback mula sa daan-daang miyembro ng komunidad, nabago na namin ngayon ang mga panukala upang mapabuti ang 29 Sunset. Tingnan ang aming mga panukala sa proyekto.
Ibahagi ang iyong feedback sa aming pampublikong pagdinig
Ang mga panukalang ito ay isasaalang-alang sa aming Pampublikong Pagdinig sa Biyernes, Marso 20 sa ganap na 10 a.m. Ang layunin nitong pampublikong pagdinig ay upang makakuha ng feedback mula sa publiko tungkol sa mga pagbabago sa street at transit stop bilang bahagi ng 29 Sunset. Ibabahagi ang mga detalye ng virtual na pagpupulong nang hindi bababa sa 10 araw bago ang pulong.
Maaaring ibahagi ang feedback tungkol sa mga iminungkahing pagbabagong ito sa mga sumusunod na paraan:
- Dumalo sa virtual na Pampublikong Pagdinig (Public Hearing) sa Biyernes, Marso 20 sa ganap na 10 a.m. at magbahagi ng dalawang minuto na pampublikong komento.
- Sa pagpapadala ng email: Better29@SFMTA.com na may paksang “Public Hearing”
- Sa pagtawag sa telepono: 415.646.2410
- Sa pamamagitan ng US Mail kay: Brian Haagsman, SFMTA / One South Van Ness Ave, 3rd Floor, San Francisco CA 94103 (dapat ang postmark ay bago o pagsapit ng 3/20)
Kung ano ang narinig namin mula sa mga miyembro ng komunidad
Noong nakaraang Agosto, ibinahagi namin ang naunang draft ng mga panukala at nakagawa kami ng mga pagbabago sa mga panukalang iyon batay sa natanggap naming feedback. Sa pamamagitan ng 11 kaganapan sa proyekto, 16 na pagpupulong sa mga organisasyon ng komunidad at iba pang pakikipag-ugnayan, narinig namin mula sa maraming tao ang tungkol sa kung ano ang gusto nila o hindi nila gusto tungkol sa mga panukala.
Tumanggap kami ng mahigit sa 800 sagot sa aming online survey sa komunidad at sa mga personal na kaganapan sa English, Chinese, Spanish at Filipino. Karamihan sa mga panukala ay nakatanggap ng higit sa mayoriya na suporta. Narinig namin mula sa marami ang tungkol sa priyoridad na gawing mas maaasahan ang bus upang magkaroon ng mas kaunting pagkaantala, mga pass-up at mas kaunting siksikan. Halimbawa, 78.1% ng mga sumagot ay lubos o bahagyang sumusuporta sa pag-alis at paglipat ng mga hintuan ng bus na magkakalapit sa isa’t isa.
Mga pagbabago sa aming mga naunang panukala
Bilang tugon sa feedback ng komunidad at karagdagang engineering, gumawa kami ng ilang pagbabago sa aming mga panukala. Kabilang dito ang:
- Iwanang magkakalapit ang mga hintuan ng bus kaysa dating napanukala para sa Persia Avenue sa Excelsior.
- Pagpili ng apat na hintuan ng bus kung saan magdaragdag kami ng solar-powered lighting.
- Pagbabago ng mga travel lane sa tatlong bloke ng Gilman Avenue malapit sa Bret Harte Elementary upang maiwasan ang mga pagkaantala dahil sa dobleng pagparada.
- Pagpapanatili ng ilang hintuan ng bus sa mga kasalukuyang lokasyon nito upang mabawasan ang mga epekto ng pagparada.
- Pagdagdag ng pagkalma ng trapiko sa mga kalye ng Garfield at Head upang mapabuti ang kaligtasan sa trapiko.
Sama-sama, dinisenyo ang mga panukalang ito upang makamit ang ilang layunin:
- Higit na pagiging maaasahan: sa pagbabawas ng mga pagkaantala, mas magiging maasahan ang mga bus. Nangangahulugan iyon ng mas kakaunting agwat sa pagitan ng mga bus, kung saan magiging kakaunti ang siksikan at mababawasan ang mga pass-up ng mga sumasakay.
- Mas maikling oras ng biyahe: ang katamtamang bilis sa 29 Sunset ay kasing baba ng 5 milya kada oras. Ang mga mas mabilis na biyahe sa 29 Sunset ay mas mabilis na magdadala sa mga sumasakay sa kanilang pupuntahan. Maaari din silang makatipid ng pera sa pamamagitan ng pag-aatas sa mas kaunting bus upang mapanatili ang parehong antas ng serbisyo ng bus.
- Mas maayos at mas madaling makita na mga hintuan ng bus: ang pagdaragdag ng mas magandang signage, ilaw at mga hintayan sa ilang hintuan ng bus ay gagawing mas madaling mahanap at mas maginhawa ang mga ito.
- Pinahusay na kaligtasan sa trapiko para sa lahat ng naglalakbay sa koridor. Ang anim na kalye sa ruta ay bahagi ng High Injury Network , na siyang 12% ng mga kalye sa lungsod kung saan nangyayari ang 68% ng lahat ng malubha at nakamamatay na mga banggaan sa trapiko.